Ministrja e Drejtësisë, Albulena Haxhiu, ka zhvilluar një vizitë në Prokurorinë Themelore në Pejë.

Haxhiu u prit nga kryeprokurori Agim Kurmehaj dhe zëvendëskryeprokurori Ersan Çavolli.

Ministrja tha se në takim diskutuan për prioritetet e Ministrisë së Drejtësisë, përfshirë reformat në drejtësi dhe adresimin e dhunës në familje, fenomen ky që vetëm në komunën e Pejës ka regjistruar 258 raste që nga janari i këtij viti.

Postimi i plotë:

Vizitë në Prokurorinë Themelore në Pejë

Sot, vizitova PTH në Pejë, me ç’rast u prita nga kryeprokurori, Agim Kurmehaj dhe zv. kryeprokurori, Ersan Çavolli.

I njoftova për prioritetet tona që ndërlidhen me reformën, punën që po bëjmë me fokus në adresimin e dhunës në familje ku vetëm nga janari e deri më sot në Komunën e Pejës janë raportuar 258 raste të dhunës në familje si dhe i njoftova për politikat në fuqizimin e ligjeve dhe mekanizmave që merren me luftimin e krimit të organizuar dhe korrupsionin.

U njoftova për angazhimin e tyre sidomos për këto raste dhe po ashtu për numrin e vogël të prokurorëve 11 nga 19 prokurorë sa ishin, por që pavarësisht kësaj rezultatet nuk kanë munguar.

Pas takimit, vizituam hapësirat e kësaj prokurorie ku takuam prokurorë, bashkëpunëtorë profesional, zyrtarë ligjor, ndërmjetësues dhe staf tjetër administrativ.

Në fund i falenderova për punën dhe angazhimin dhe i ofrova mbështetjen time për tejkalimin e sfidave.