Kandidati i PDK-së për Kryeministër, Bedri Hamza, ka thënë se 25 milionë euro në vit për bursa të studentëve janë më shumë se financim për studentët.

Hamza ka thënë se bursat janë shpresë, mundësi dhe investim në të rinjtë e talentuar për ta arritur potencialin e plotë dhe për ta ndërtuar jetën dhe karrierën e tyre në vendin tonë.

“Fondi i Bursave në vlerë 25 milionë euro në vit është më shumë se financim për studentët. Është shpresë, mundësi dhe investim në të rinjtë e talentuar për ta arritur potencialin e plotë dhe për ta ndërtuar jetën dhe karrierën e tyre në vendin tonë”, ka shkruar mes tjerash Hamza.