Gjermania po përballet me kushte të ashpra të motit dimëror, duke shkaktuar ndërprerje të mëdha në transportin ajror.

Reshjet e dendura të dëborës dhe shiut kanë prekur veçanërisht fluturimet në vend, duke shkaktuar vonesa dhe anulime në disa aeroporte.

Aeroporti i Frankfurtit anuloi 120 fluturime nga 1090 të planifikuara të dielën, për shkak të borës që mbuloi pistat. Po ashtu, aeroporti i Mynihut ka pasur kufizime, duke mbajtur vetëm një pistë në funksion.

Sipas zëdhënësit të këtij aeroporti, 35 fluturime u anuluan të shtunën si masë paraprake, ndërsa 750 fluturime të tjera u shtynë për ditën e diel.