Kryetari i Sindikatës së Pavarur të Sektorit Privat, Jusuf Azemi ka njoftuar se prej 3 shtator do të nisin grevën punëtorët teknik dhe atyre të sigurimit fizik të shkollave.

Azemi përmes një postimi të bërë në rrjetin e tij social Facebook, ka renditur të gjitha shkollat se cilat do të fillojnë grevën nga 3 shtatori si dhe të gjithë punëtorët e QKF-së në Prishtinë dhe punëtorët e sigurimit fizik të QKUK.

Për Telegram News, Azemi thekson se e gjithë kjo po bëhet për shkak se pagat e tyre nuk ka gjasa të implementohen me rritje nga 1 shtatori.

Ai shtoi se në grevë do të hyjnë dhe punëtorët teknik të Kuvendit të Kosovës  ku parashihet që greva të filllojë me datë 26 shtator.