Derisa aktorët e Teatrit Kombëtar prej kohësh janë në grevë, anëtarja e Këshillit Drejtues të Teatrit Kombëtar, Vlora Merovci, po e moderon çdo ditë fushatën zgjedhore të kryeministrit Albin Kurti.
Një veprim i tillë e ka nxitur reagimin e aktivistes së PSD-së, Teutë Rrusta.
Në profilin e saj në “Facebook”, ajo ka shkruar se kjo tregon pse kërkesat e aktorëve po injorohen nga Qeveria Kurti.
“Kjo është Vlora Merovci, Alma, që ka luajtur te Familja Moderne. A ju kujtohet? Por, ajo po ashtu bart pozitën e anëtarës së Këshillit Drejtues të Teatrit Kombëtar. E sot e shohim në një rol të ri, atë të prezantueses në tubimet elektorale të pushtetit. Merreni me mend! Përderisa aktorët e teatrit ku ajo është drejtuese janë në grevë për kushte më të mira, e objekti i Teatrit nuk funksionon që më shumë se 2 vite, Vlora qenka kujdesur për t’ia siguruar një rol vetes. Mungesa e solidariteti po shihet e nuk do fort koment, por tash po kuptohet edhe arsyeja pse qëndresa e aktorëve po injorohet. Vlora e zënë për t’ia siguruar edhe një mandat këtij pushteti”, ka shkruar Rrusta në profilin e saj në “Facebook”.
