Kandidati për kryeministër i Lidhjes Demokratike të Kosovës (LDK), Lumir Abdixhiku, ka zhvilluar një tubim elektoral në komunën e Novobërdës, ku u prit me entuziazëm nga qytetarët.
Gjatë fjalimit të tij, Abdixhiku theksoi rëndësinë e barazisë dhe solidaritetit për të gjithë qytetarët e Kosovës, duke deklaruar se LDK-ja do të kujdeset njësoj për të gjitha komunat, pavarësisht madhësisë apo pozicionit të tyre.
“Edhe në Komunën e vogël të Novobërdës mbajtëm tubim. Edhe këtu, pas një kohe të gjatë, na pritën me plot ngrohtësi.
Qëndruam këtu si dëshmi se nuk ka qytetarë të rendit të parë e të dytë; qytet të madh e të vogël për ne. Jemi një, bashkë, nën një fat për të gjithë. Do të shërbejmë e do të kujdesemi për të gjithë!
Edhe këtu, shpalosëm projektet e idetë tona. Kohë për ndarje e përplasje nuk kemi. Kemi vetëm një obligim; të paraqitemi denjësisht para qytetarëve tanë me zotime e projekte për 4 vitet e ardhshme!
Bajrush Ymeri, është kandidati i vetëm nga kjo Komunë – në gjithë Kosovën, për deputet në Kuvendin e vendit.
124 është numri ynë!
9 shkurti është festa jonë!”, ka shkruar Abdixhiku në Facebook.
