Njeriu në cilindo stad të zhvillimit si qenie shoqërore e psikologjike, ka status shpirtëror të caktuar për ndërtimin e të cilit ndikojnë shumë faktorë e rrethana!

Ndjenja e krenarisë është ajo që do të donin ta përjetonin të gjithë, ndërsa ndjenjën e inferioritetit nuk do ta dëshironte askush!

Pra secili do të vraponte drejt krenarisë duke ikur nga inferioriteti!

Kjo ikje është e zorshme nëse nuk artikulohet dhe nëse nuk ka prijës!

Andaj në këtë rrugë ndodh identifikimi me prijësin, i cili po ashtu është duke ikur nga inferioriteti, apo është nisur drejt një pozite superiore në shoqëri.

Dhe në këtë situatë e ne këtë terren tonin shfaqet Albini, duke e motivuar këtë ikje nëpërmjet keqpërdorimit më të lig që mund ti bëhet konstitucionit të brishtë shpirtëror të qenies së rëndomtë njerëzore!

Dhe kjo nxitje për ikje nuk po ndodh duke synuar lartësinë e madhështinë nëpërmjet realizimit të projekteve konkurruese, por duke vene theksin në kritikën dhe relativizimin e madhështisë së dëshmuar të të tjerëve!

Ne mënyrën me te vrazhdë kjo shfaqet në sjelljet dhe veprimet e Albin Kurtit.

Pasuesit e tij nuk mbështeten në ndonjë kërkesë programore të arsyetuar e racionale, por në mohimin arritjeve të cilësdo strukture pararendëse shtetërore!

Në fenomenin Kurti, kjo është realizuar si rezultat i manipulimit të shumëfishtë!

E para është instalimi te masa e rëndomtë qytetare i ndienjes së fajësisë e te inferioritetit deri tek statusi i viktimës, duke marrë rolin mbrojtës të kësaj kategorie, për të krijuar nxitje të masave ndaj një pjese tjetër të qytetarisë e cila në fakt përfaqëson pakicën më cilësore!

Por kush janë të tjerët?

Janë pikërisht e madhërishmja e shoqërisë: njerëzit që prinë në proceset më të zorshme kombëtare, luftëtarët e Lirisë, çlirimtarët, jetësuesit e pavarësisë, shkencëtarët, diplomatët dhe Shtet ndërtuesit e Kosovës.

Fakti që shumica e njerëzve përfaqësojnë të zakonshmen, të rëndomtën tonë dhe se e madhërishmja është pakicë, asnjëherë nuk duhet kuptuar si dy kategori konfliktuoze me njëra tjetrën. Përkundrazi, këto nuk funksionojnë pa njëra tjetrën! Jo vetëm janë relacione simbiotike por janë organikisht të lidhura brenda natyrës së zhvillimit të tyre!

E madhërishmja del nga e rëndomta, si fryti i pemës apo si lulja nga trungu i saj!

Dhe Liderët që këtë tërësi e kultivojnë janë të pakët! Të tillë janë vetëm liderët që dolën si alternativë e strukturave okupuese!

Liderët konkurrues në garën për pushtet në rrethanë të Kosovës së çliruar janë dëshmuar me goditjet ndaj kësaj simbioze duke krijuar përçarjen më të dëmshme që mund ti bëhet vendit.

Synimi i Albinit është e kundërta e ambicieve të këtij kombi.

Epikteti do të thoshte: “Ai nuk di ti zbus ambiciet e tij dhe ngjan në fëmijën që zhytë dorën në një poq të mbushur me fiq dhe që s’mund të heq më dorën, e qanë, pa e kuptuar se do të mjaftonte ti lëshonte ca fiq dhe dora do të dilte menjëherë”!

Albini mund t’i lirojë duart nga kjo verbëri vetëm duke u liruar nga autosugjestioni i të gjithëdijshmit dhe nga idetë e delirit të madhështisë.

Është obligim i prijësve me qëllime të mira, ta realizojnë si duhet misionin e tyre.

Fundja të jesh prijës do të thotë të jesh dhe edukator, ndërsa të jesh mashtrues është e kundërta e saj!

Ky popull duhet të lirohet sa më parë nga dora rrënuese e Albin Kurtit

Edhe diçka për komentuesit:

Nga pozicioni që shkruaj ndjehem shumë komod me shokët e mi e me djemtë të cilëve Albin Kurti në asnjë çështje nuk ju përngjanë as edhe ju afrohet!

Ndërsa Kurti nuk është vlera që ju zgjedhni, por ju jeni vlera që ju zgjedhë Kurti, për të ju përdorë keq, ndërkaq që ju nuk po e kuptoni!

Kur ta kuptoni do të mbeteni të vetmuar, sa i përket asaj se si ju këtë gjendje do ta ndjeni, por unë s’ ju lë të vetmuar në atë përjetim të trishtueshëm duke ju ftuar dhe njëherë ta kuptoni atë që kam shkruar. Dhe, ju do të jeni të qetë pastaj, ngase ju s’ keni faj! Të mashtruarit megjithatë s’ janë fajtorë! Fajtor është mashtruesi!

Nuk është që pasuesit e tij njohin mënyrën e të menduarit të Albinit, as edhe qëllimet e tij, por nëpërmjet Albinit shërojnë komplekset e inferiorotetit të thellë në të cilin futen pa arsye. Pse s’po rrini të rëndomtë, nëse nuk keni mundësinë të jeni të madhërishëm?

Albini kurrë këto maja s’do ti arrij, përveç që do ju lë në rrugë dhe juve.

Dhe kur shkruani, e kur shkrimet i zbukuroni me flamuj, mos e harroni dhe këtë:

Shtetin e flamurit shqiptar, as edhe Flamurin shtetit të Kosovës, nuk i njeh Albini, andaj kujdes se mund të ju qortoj./Telegram News

Mr. Fitim Selimi, kirurg torakal në SHSKUK

Opinioent në Telegram News, nuk identifikohen me gazetën