“Në mandatin e radhës paga minimale do ta kemi programin super puna edhe për gratë, kurse paga minimale që e kemi ngritur në 350 euro, nga 130 e 170 sa e kemi gjetur do të bëhet mbi 500 euro”, ka deklaruar kryeministri, Albin Kurti.
Ky është premtimi që kandidati për kryeministër nga Vetëvendosje, Albin Kurti e dha të martën në Suharekë.
Por përveç Vetëvendosjes, për rritjes së pagës, qytetarët po mundohen t’i bindin edhe Lidhja Demokratike e Kosovës (LDK), Partia Demokratike e Kosovës (PDK) dhe Aleanca për Ardhmërinë e Kosovës (AAK).
Por këto premtime kryetari i Sindikatës së Sektorit Privat, Jusf Azemit, nuk është duke i besuar.
“Argumenti më i mirë është se këta deputetë janë ata të cilët punëtoret,15 punëtor në Kuvendin e Kosovës para syve të tyre defilonin këta deputet dhe asnjëherë nuk u morën me çështjet e tyre. Këta janë duke bërë një luftë për vetvete në asnjë rast nuk e përmirësojnë pozitën ose kushtet e punëtorëve duke u nisur nga e kaluara. Premtimi i pagës 500 euro është një rren e kulluar e tyre pasi që nga vitit 2011 vetëm në vitin e kaluar ndryshoi”, tha Azemi për Teve1.
Edhe për ekspertin e ekonomisë, Safet Gërxhaliu, rritja e pagës minimale në 500 euro është e vështirë.
“Në qoftë se katër vite e kemi pasur koeficientin 105 euro,tek në vitin 2024 është miratuar një rritje 110 atëherë si mund të pritet që paga minimale të jetë 500 euro apo do të jetë më e lartë, pra është vështirë e realizueshme me ketë mungesë të dialogut publiko- privat, me ketë mungesë të mbështetjes të sektorit privat”, ka thënë Gërxhaliu.
Me vendim të Qeverisë së Kosovës, nga muaji tetor paga minimale është 350 euro.
