Kandidati për kryeministër i Partisë Demokratike të Kosovës, Bedri Hamza, ka thënë që ai bashkë me ekipin e tij do të krijojnë kushte për bashkatdhetarët dhe biznesmenët e suksesshëm shqiptarë nga vendet e ndryshme të botës.

Hamza derisa ka postuar një video në Facebook theksoi se do të bashkëpunojnë me diasporën për të ndërtuar Kosovën.

“Ne do të krijojmë kushte që bashkatdhetarët tanë, biznesmenë të suksesshëm në vende të ndryshme të botës, me kapitalin, përvojën dhe njohuritë e tyre të jenë prezentë në Kosovë të investojnë, të punojnë dhe së bashku ta zhvillojmë vendin tonë”, shkruan Hamza në Facebook.