Aktivistët e Lëvizjes Vetëvendosje në Mitrovicë kanë vendosur pankarta në hyrje të objektit të Komunës në Mitrovicë të Jugut, ku në pankartë shkruhet “Mitrovica pa kryetar, Ku është Bedri Hamza”.

Ndërkaq, rreth kësaj çështje ka reaguar Sekretarja e Përgjithshme e Partisë Demokratike të Kosovës, Vlora Çitaku, duke shpërndarë raportin e GAP-it i cili vlerëson se Komuna e Mitrovicës së Jugut, nën udhëheqjen e Bedri Hamzës, renditet komuna me numrin më të madh të premtimeve të realizuara.

Ajo tha se me rreth një vit e gjysmë të mbetur në mandatin e tij, Hamza është afër përmbushjes se plotë të premtimeve.

Reagimi i saj:

Për ata që po ngrisin pikëpyetje 🙂

Sipas raportit të GAP, Komuna e Mitrovicës së Jugut, nën udhëheqjen e Bedri Hamzës, renditet komuna me numrin më të madh të premtimeve të realizuara. Me rreth një vit e gjysmë të mbetur në mandatin e tij, Hamza është afër përmbushjes se plotë të premtimeve. Nga 123 premtime në total, kandidati i PDK-së për kryeministër ka 69 premtime të përfunduara, 15 gjysme të përmbushura dhe 30 të filluara.