Presidenti turk Rexhep Tajip Erdogan i bëri thirrje Asamblesë së Përgjithshme të Kombeve të Bashkuara që të rekomandojë përdorimin e forcave në përputhje me Rezolutën që miratoi në vitin 1950, nëse Këshilli i Sigurimit i KB nuk ndalon sulmet e Izraelit në Gaza dhe Liban.
Rezoluta u miratua nga Asambleja e Përgjithshme e KB më 3 nëntor 1950 dhe përcakton se nëse Asambleja e Përgjithshme e KB nuk arrin të përmbushë detyrën e saj për të ruajtur paqen ndërkombëtare, Trupi i Përgjithshëm mund të bëjë rekomandime të duhura për veprim kolektiv.
Këto masa përfshijnë përdorimin e forcave të armatosura kur është e nevojshme, në rast të shkeljes së paqes ose për mirëmbajtjen ose rivendosjen e paqes dhe sigurisë ndërkombëtare.
“Mbrojtja e Palestinës dhe Libanit sot nënkupton mbrojtjen e njerëzimit, paqes dhe bashkëjetesës së feve të ndryshme dhe stileve të ndryshme të jetesës,” u tha Erdogan gazetarëve pas një takimi qeveritar në kryeqytetin turk, Ankara.
Ai tha se më shumë se një milion civilë libanezë ishin shpërngulur tashmë nga dhuna izraelite dhe se Turqia po përpiqej të dërgonte furnizime të ndihmës humanitare me 30 ton ndihmën e fundit, e cila mbërriti në Bejrut të mërkurën. /TelegramNews/
