I dërguari gjerman në Ballkanin Perëndimor, Manuel Sarrazin në një intervistë për Balkan Insight, ka theksuar se Kosova rrezikon izolim më të thellë për shkak të ndalimit të importeve serbe.
“Kosova mund të përballet me thirrje për përjashtim nga Marrëveshja e Tregtisë së Lirë të Evropës Qendrore dhe ndëshkime të tjera, nëse vazhdon të ndalojë importet serbe”, ka deklaruar Sarrazin, i cili ka vizituar Kosovën dy herë në një misioni për të sqaruar problemet me Marrëveshjen e Tregtisë së Lirë të Evropës Qendrore, CEFTA raporton Balkan Insight.
Në këmbim të heqjes së ndalimit, Kosova nuk do të përfaqësohej më zyrtarisht në kuadër të CEFTA-s nga misioni i OKB-së në Kosovë, UNMIK, por do të përfaqësohej vetë.
Megjithatë, emri i saj do të shkruhej si ‘Kosovë*’. Në fusnotë thuhet se statusi i Kosovës ende nuk është zgjidhur përfundimisht sipas Rezolutës 1244 të Këshillit të Sigurimit të OKB-së, duke reflektuar refuzimin e Serbisë për ta njohur atë si shtet të pavarur.
