Futbollisti i Llapit, Ahmed Januzi është përzgjedhur lojtari më i mirë për xhiron e gjashtë në Superligën e Kosovës në futboll.
Ky çmim erdhi si rezultat i paraqitjes së tij të shkëlqyer në fitoren kundër FC Ferizaj, ku Januzi shënoi golin vendimtar, duke i siguruar skuadrës tonë pikët e plota në transfertë.
Komisioni i Veteranëve të Futbollit përzgjodhi Januzin për këtë çmim, duke nënvizuar rolin e tij kyç në suksesin e ekipit tonë.
Pas pranimit të çmimit, ai theksoi se ky është sukses i gjithë ekipit.
“Është gjithmonë kënaqësi të shpallesh më i miri i javës, por ky është një sukses i gjithë ekipit. Synimi ynë është që të vazhdojmë me këtë ritëm dhe të japim maksimumin në çdo ndeshje”, tha Januzi.
Në 78 minuta lojë, Januzi u shqua si lider në fushë dhe kontribuoi në fitoren me rezultat 0:1, në një ndeshje që u vlerësua si shumë e vështirë.
