Deputeti i Vetëvendosjes, Mefail Bajqinovci, ka reaguar në lidhje me intervistimin e koordinatores së komuniteteve në këtë parti, Dejona Mihalit, nga Porokuroria Speciale.
Ai në Facebook tha se intervistimi i Mihalit ka ardhur pas sondazheve ku VV del e para me 49% duke mos e përfshirë këtu diasporën, shkruan TelegramNews.
Madje sipas tij, “koalicioni prokurori-portale online (disa prej tyre)-analistë “të pavarur”-opozita” e kanë filluar tashmë parafushatën.
“49%-ëshi (pa diasporën) i paska shqetësuar fortë. Vetëm 1-2 ditë pas rezultateve të sondazheve të fundit, koalicionin prokurori-portale online (disa prej tyre)-analistë “të pavarur”-opozita e filloi parafushtën. Prokuroria e fton Dejona Mihalin; portalet online (jo të gjitha) e presin me kamerë para hyrjes së prokurorisë; raportojnë me burime brenda prokurorisë; analistat “e pavarur” statuset gati; opozita në sulm”, tha Bajqinovci.
