Kryetari i Aleancës Kosovare e Bizneseve, Agim Shahini ka deklaruar se nëse Kosova përjashtohet nga Procesi i Berlinit mund të humbë rreth 1 miliardë euro mbështetje financiare, që sipas tij është thelbësore për zhvillimin ekonomik për vendin tonë.
Shahini ka theksuar se nëse ndodh ky përjashtim vendi mund të rrisë pasigurinë për investitorët e huaj dhe vendorë, duke ndikuar sipas tij, negativisht në lëvizje e lirë të mallrave dhe kapitalit në tregun e EU dhe në Ballkanin Perëndimor.
Madje sipas tij, përjashtimi i Kosovës nga procesi i Berlinit mund të sjellë në një rënie të dialogut me Serbinë.
“Sa i përket integrimeve do të humbë një mundësi të madhe për të avancuar në procesin e integrimeve evropian dhe për të përmirësuar dhe forcuar raporte ndërkombëtare si do mos me vendet e BE-së. Përjashtimi i Kosovës nga procesi i Berlinit mund të çonte në një rënie të dialogut me Serbinë dhe në pamundësinë për të zgjidhur çështjet e hapura mes dy vendeve, kjo do të forcon propagandën anti Kosovare qe do të kishin një ndikim të thellë në zhvillimin politik, ekonomik, social dhe integrues të Kosovës”, ka thënë kryetar i AKB-ës.
