Një shtetas i Kosovës është aksidentuar në Kroaci me një veturë tjetër ku si pasojë ka mbetur i vdekur shoferi derisa gjashtë persona të tjerë  janë lënduar.

Media kroate “Index” ka raportuar se aksidenti është shkaktuar nga 40-vjeçari kosovarë i cili ishte me veturën me tabela sllovene. Ai raportohet se doli në korsinë e kundërt dhe përplasi veturën tjetër me targa kroate.

Bëhet e ditur se në spital është duke u trajtuar shoferi kosovar për shkak se ka pësuar lëndime.

Derisa në gjendje kome janë edhe  dy pasagjerët një grua dhe një fëmijë të cilët ishin në veturën e tij, po ashtu shtetas të Kosovës.