Vedat Muriqi po përgatitet ta mbyllë aventurën e tij në LaLiga me Mallorcan, dhe pritet të rikthehet në Turqi.

Sipas raportimeve të mediumit turk, “Aksam”, Muriqi ka vendosur të rikthehet në Turqi pas katër vitesh.

Raportohet se ai ka arritur marrëveshje në parim me Besiktarin, derisa pritet të nënshkruajë kontratë dyvjeçare.

Raporti shton se nëse skuadra turke nuk ka mundësi ta paguajë kartonin e futbollistit, ata do ta marrin atë në formë huazimi.

Te Besiktas, Muriqi do të gjente bashkëlojtarin e tij te Kombëtarja e Kosovës, Milot Rashicën.

Ndryshe, së fundmi, skuadra turke fitoi Superkupën e Turqisë, pasi mposhtën Galatasarayn me rezultat të thellë 0:5.