Një person në Prishtinë është arrestuar pasi i njëjti nuk ka zbatuar urdhrat e zyrtarit policor, duke i shkaktuar këtij të fundit lëndime trupore.

Sipas raportit 24 orësh të policisë, zyrtari policor ka pranuar tretman mjekësor.

Derisa, lidhur me rastin pas intervistimit, me vendim të prokurorit personi i dyshuar është liruar në procedurë të rregullt.

“Është arrestuar i dyshuari mashkull kosovar pasi që i njëjti në një pikë kontrolli të veturave, duke mos i zbatuar urdhërat i ka shkaktuar edhe lëndime trupore njërit prej zyrtarëve policor ku si pasojë  ka pranuar tretman mjekësor. Lidhur me rastin pas intervistimit, me vendim të prokurorit personi i dyshuar është liruar në procedurë të rregullt”, thuhet në raport.