Manchester United edhe zyrtarisht ka kompletuar transferimin e dyshes nga Bayern Munchen, Matthijs de Ligt dhe Noussair Mazraoui.

Mbrojtësi holandez ka kompletuar transferimin e tij nga Bayern Munchen, derisa me “Djajtë e Kuq” ka nënshkruar kontratë pesë vjeçare, me mundësi vazhdimi edhe për një vit tjetër.

Shuma e transerimit nuk është bërë e ditur nga njoftimi i skuadrës angleze.

“Sa ndëgjova se Manchester United po më kërkonte, ndjeva një gëzim për mundësinë e një sfide të re te një klub kaq historik. Në bisedën që kishim, ishte i impresionuar me vizionin e tyre për futbollin dhe rolin që ata më shikonin mua që mund të kem në të”, tha 24 vjeçari në prezentimin e tij.

Ndryshe, De Light ka fitur titullin e kampionit me tri skuadra të ndryshme, nga tri kampionate të ndryshme – Ajax, Juventus dhe Bayern Munchen.

Nga ana tjetër, anësori maroken theksoi se mezi pret të luajë në “Old Trafford”.

“Është një ndjenjë e jashtëzakonshme të jem lojtar i Manchester United, dhe mezi pres të dal në ‘Old Trafford’ dhe të vesh fanellën e kuqe. E di që i jam bashkuar klubin në një kohë të ndjeshme; me të gjithë që kam folur e kam parë që kanë ambicie të mëdha për të fituar trofe së bashku dhe mund të ndjej determinimin për të arritur këtë gjë”, tha mbrojtësi nga Maroku.

Ndryshe, 26-vjeçari ka nënshkuar kontratë kontratë katër vjeçare me “Djajtë e Kuq”.