Kandidati presidencial i republikan Donald Trump tha se në rast të një fitoreje zgjedhore, ai do të krijonte një komision të efikasitetit qeveritar për t’u udhëhequr nga multibilioneri Elon Musk, mbështetësi i tij.
Ish-presidenti amerikan ka biseduar me ndihmësit për javë të tëra në lidhje me idenë e një komisioni të tillë për të audituar veprimet e qeverisë, thanë burimet për Reuters. Tani ai e ka bërë idenë publike për herë të parë në një fjalim në Klubin Ekonomik të Nju Jorkut, transmeton Telegram News.
Është gjithashtu hera e parë që Trump ka njoftuar se Musk ka pranuar të udhëheqë atë trup. Ai nuk deklaroi se si do të funksiononte një komision i tillë, përveç se do të miratonte një plan për të eleminuar “pagesat e mashtrimit dhe të pahijshme” në gjashtë muajt e parë të ekzistencës së tij.
“Me këshillën e Elon Musk, unë do të krijoj një komitet të efikasitetit të qeverisë për të kryer një kontroll gjithëpërfshirës financiar dhe rishikimin e veprimeve të të gjithë qeverisë federale, pas së cilës do të bëjë rekomandime për reforma drastike,” tha republikani.
Musk tha në një podcast më 19 gusht se po fliste me Trump për këtë temë dhe se ishte i interesuar të bashkohej me komisionin. /TelegramNews/
