Këshilli Drejtues i Universitetit të Prishtinës e ka shkarkuar sot nga detyra sekretarin e përgjithshëm, Besfort Krasniqi.
Lajmin për Telegram News, e konfirmoi udhëheqësi i Këshillit Drejtues, Altin Sahiti.
“Sekretari i përgjithshëm i UP-së, është liruar nga detyra për arsye të anashkalimit të kompetencave të Këshillit Drejtues sa i përket anës buxhetore. Këshilli Drejtues më parë kishte kërkuar nga Rektori lëshimin e vërejtjes për Sekretarin e Përgjithshëm për arsyet e njëjta si dhe poashtu kishte kerkuar Auditim të jashtëzakonshëm për të konstatuar nëse ka shkelje apo anashkalim të përgjegjësive të Këshillit Drejtues. Me të pranuar raportin e auditimit keto shkelje u konstatuan, dhe anëtarët e Këshillit Drejtues kërkuan që të vendosin në rend dite lirimin nga detyra të z.Krasniqi”, tha Sahiti.
