Shtetet e Bashkuara do të dërgojnë më shumë se tetë miliardë dollarë ndihmë ushtarake në Ukrainë. Plani i plotë do të shpallet gjatë vizitës së Presidentit ukrainas Volodimir Zelensky në këtë vend.
Sipas Reuters, Presidenti aktual amerikan Joe Biden po bën presion ndaj anëtarëve të Kongresit për të lëshuar rreth 5.6 miliardë dollarë ndihmë të drejtpërdrejtë për ushtrinë e Ukrainës para fundit të shtatorit, transmeton Telegram News.
Zyrtarët amerikanë kanë thënë që Shtëpia e Bardhë synon të informojë Kongresin se do të fillojë të njoftojë tërheqjen prej 5.6 miliardë dollarë nga rezervat ushtarake amerikane. Përmbajtja e asaj pakete ende nuk është punuar plotësisht, thanë zyrtarët.
Reuters raportoi këtë muaj se administrata Biden po shqyrtonte Planin B, sipas të cilit ata do të shpallnin planet e dorëzimit për Ukrainën, por me një kornizë kohore të zgjatur për shpërndarjen e armëve dhe pajisjeve, duke lejuar një transferim gradual të burimeve në Ukrainë pa humbur afatin e 30 shtatorit.
Njoftimi i dytë i planifikuar për të enjten do të jetë 2.4 miliardë dollarë ndihmë përmes programit të Iniciativës së Sigurisë në Ukrainë, i cili lejon administratën të blejë armë për Ukrainën nga kompani në vend që ta marrë nga rezervat e SHBA-së.
Ndihma do të përfshijë municione, armë anti-drone dhe materiale mbështetëse për prodhimin e municioneve në Ukrainë, tha një nga zyrtarët amerikanë. /TelegramNews/
