Rreth 2100 tonelata mbetjesh industrial pritet të mbërrijnë në Shqipëri mbrëmjen e së hënës.

Mbetjet dyshohet se përmbajnë lëndë të dëmshme helmuese, të paketuara në 102 kontejnerë, shkruan organizata joqeveritare amerikane Rrjeti i Aksionit të Bazelit.

Partia Demokratike, ambientalistë, përfaqësues të shoqërisë civile dhe qytetarë kanë organizuar një protestë kundër anijeve që pritet të mbërrijnë pas dyshimeve se ato përmbajnë mbetje të rrezikshme.

Ata kanë bllokuar hyrjen e portit të Durrësit me një pankartë ku shkruhet “Mbetje të rrezikshme, qeveri toksike”.

Dhjetëra efektivë të policisë së Durrësit po përcjellin mbarëvajtjen e protestën.