Komuna e Deçanit e ka shpallur presidentin shqiptar, Bajram Begajn “Qytetar Nderi”.

Përmes një postimi në Facebook, komuna ka njoftuar se në mbledhjen e mbledhja e III-të të Jashtëzakonshme e Kuvendit të Komunës, është miratuar vendimi për shpalljen “Qytetar Nderi” të Begajt.

“U mbajt mbledhja e III-të e Jashtëzakonshme e Kuvendit të Komunës. Mbledhja u kryesua nga Kryesuesi, z. Hajdar Sutaj, i pranishëm ishte Kryetari i Komunës, z. Bashkim Ramosaj, Nënkryetari i Komunës, z. Sami Cacaj, anëtarët e Kuvendit, drejtorë të Drejtorive Komunale, zyrtarë komunal”.

Gjithashtu në komuna njoftoi për pikat e rendit të ditës.

“Për rend dite ishte propozuar kjo pikë: 1. Shqyrtimi i Propozimit të Kryetarit të Komunës, z. Bashkim Ramosaj dhe marrja e Vendimit për shpalljen “QYTETAR NDERI” i Komunës së Deçanit, Presidentin e Republikës së Shqipërisë, ZHTZ. Bajram Begaj. U miratua Vendimi për shpalljen “QYTETAR NDERI” i Komunës së Deçanit, ZHTZ. Bajram Begaj”, thuhet tutje në njoftimin e komunës.