Njësi të Shumta të Specializuara të Policisë së Kosovës kanë zbarkuar tek objekti i Pallatit të Rinisë në Prishtinë.
Njësitë e Specializuara janë duke kryer një aksion me urdhër të Prokurorisë Speciale të Kosovës.
Sipas informacioneve të para ky aksion po zhvillohet nën dyshimin për keqpërdorim zyrtar.
Derisa në objektin e pallatit po vazhdojnë të jenë prezente shumë forca policore, Kallxo ka parë se tashmë nën pranga ka përfunduar një person.
Dy vetura të policisë janë vendosur nga hyrja kryesore e Pallatit, ndërsa i arrestuari me pranga u fut në një makinë e më pas u transportua për në stacion policor për intervistim.
Brenda hapësirave nga ku i nxor i prangosuri po vazhdojnë të mbesin edhe disa hetues policor.
Aksioni është në zhvillim e sipër.
