Që kur u shkarkua nga Roma në fillim të këtij viti, Jose Mourinho nuk ka marr drejtimin e asnjë skuadra ende.
Megjithatë, ka pasur spekulime të vazhdueshme për të ardhmen e tij.
Pak javë më parë, u raportua se tekniku portugez është në bisedime të avancuara me gjigantin turk, Fenerbahce. Mirëpo këto raportime tashmë kanë mbetur në ajër.
Së fundmi po flitet për një rikthim të rij në Premier League, me Mourinhon që tashmë ka pranuar se dëshiron të gjejë një klub para fillimit të edicionit të ri.
“Nuk jam në pushim, dua të punoj. Dua të punoj, por thjesht nuk dua të marr vendimin e gabuar. Më duhet të pres atë të duhurin, atë që më motivon. Por nëse do të mund të punoja nesër, do të punoja nesër”, ka thënë Mourinho.
Shanset e mëdha janë për një rikthim të bujshëm në Chelsea.
Skuadra londineze është në kërkim të një trajneri të ri pasi Mauricio Pochettino u largua nga klubi me pëlqim të ndërsjellë javën e kaluar./GazetaPuls