Në Ambasadën e Shteteve të Bashkuara të Amerikës, kandidati për kryeministër, Bedri Hamza nga Partika Demokratike e Kosovës, kreu i PDK-së, Memli Krasniqi dhe nënkryetarja e PDK-së, Vlora Çitaku takuan Zëvendësndihmës Sekretarin e SHBA-së, Alexander Kasanof.
Në këtë takim, Krasniqi thotë se diskutuan për zhvillimet aktuale në Kosovë dhe rajon.
Krasniqi theksoi gjatë takimit rëndësinë e bashkërendimit të qëndrimeve të Kosovës me aleatët e saj strategjikë, sidomos me Shtetet e Bashkuara.
“Në takim ritheksova nevojën e shtetit të Kosovës për bashkërendim të qëndrimeve me aleatët tanë strategjikë, e veçanërishtë me SHBA-në. Kosova, si një storie suksesi është rezultat i bashkëpunimit të mirë dhe partneritetit të besueshëm me miqtë e saj. Zëvendësnihmës Sekretarin Kasanof e falënderova për mbështetjen e vazhdueshme të SHBA-së në fuqizimin shtetit tonë. Edhe e ardhmja nuk duhet të jetë ndryshe, përveçse një rrugëtim i përbashkët drejt sukseseve të reja”, tha Krasniqi.