Chelseat i është thënë të bëjë një lëvizje për ish-kapitenin e Arsenalit, Granit Xhakën.

Mesfushori shqiptar me pasaportë zvicerane u largua nga Gunners verën e kaluar për në Bundesligë në një marrëveshje me çmim të ulët dhe vazhdoi të udhëheqë Bayer Leverkusen drejt titullit të parë në Bundesligë dhe duke fituar DFB Pokal.

Chelsea nuk ka nevojë për përforcime në mesfushë, pasi ka shpenzuar mbi 200 milionë euro vetëm për Enzo Fernandes dhe Moises Caicedo, por ish-lojtari i bluve Frank Lebouef beson se Xhaka mund të jetë “pjesa e munguar e enigmës” për trajnerin e ri Enzo Maresca.

“Unë po ju them se ai që duhet të nënshkruajë Chelsea është Granit Xhaka. Ai është shumë mbresëlënës dhe mendoj se Chelsea duhet ta kishte nënshkruar atë kur ai u largua nga Arsenali”, deklaroi Lebouef për BoyleSports.

“Ai ka qenë fenomenal për Zvicrën në Euro 2024 dhe ishte gjithashtu lojtari më i mirë i sezonit për Leverkusen – ai i përshtatet shumë mirë Chelseat, veçanërisht në mesfushë me Enzon dhe Caicedon”.

“Ai mund të jetë pjesa e munguar e enigmës për ta”, ka shtuar më tej Lebouef.