Kryetari i Kuvendit të Kosovës, Glauk Konjufca në seancën e mbajtur për  Ditën Ndërkombëtare të Demokracisë, ka folur për media rreth zhvillimeve të fundit.

Konjufca para mediave ka folur edhe për shtatë kërkesat e presidentit serb, Aleksandër Vuçiq ndaj Kosovës, teksa tha se Vuçiqi po kërcënon në Republikën e Kosovës.

Por, Konjufca tha ky kërcënim nuk i bënë shumë përshtypje, duke thënë se nuk frikësohen e as nuk shqetësohen, sepse në veri të vendit ndodhet institucionet e sigurisë e të Kosovës.

“Vuçiqi po tenton mi rujt ato që nuk i ka më edhe faktikisht po kërcënon Republikën e Kosovës përmes konferencës për shtyp, mirëpo ky është një kërcënim i cili me thënë të drejtën nuk është se na bënë shumë përshtypje, ne nuk frikësohemi, shqetësohemi sepse në atë pjesë të vendit janë institucionet e Kosovës, janë institucionet e sigurisë, janë institucionet politke, janë komunat që funksionojnë edhe është shansa e humbur e qytetarëve që kanë mendime të tjera për me marr pjesë në procesin politik edhe me dashtë me qenë bashkëpjesëmarrës në procesin politik”, tha para mediave kryetari i Kuvendit.