Prokuroria Themelore në Mitrovicë ka ngritur aktakuzë ndaj një personi, i cili dyshohet se kanosi pronarin e portalit Veriu.info.
Në komunikatën e Prokurorisë thuhet se i dyshuari kishte kanosur pronarin e portalit për shkak të publikimit të një lajmi.
“I pandehuri L.L., me datë 28 gusht rreth orës 22:00 minuta në Mitrovicë, seriozisht kanos personin me iniciale G.M., – pronar i portalit Veriu.info, duke e kanosur se do t’i shkaktoj ndonjë te keqe, për shkak të publikimit që portali që e drejton i dëmtuari kishte bërë për arrestimin e babit të të pandehurit L.L., e duke i shkruar mesazhe kërcënuese, me çka të dëmtuarit i ka shkaktuar frikë e shqetësim emocional”, thuhet në komunikatë.
Prokurori i Shtetit, i ka propozuar gjykatës që të pandehurin ta shpallë fajtor për veprën e kryera penale dhe ta dënojë sipas ligjit.
