Dy persona janë lënduar si pasojë e një aksidenti mes dy veturave në fshatin Osek Hylë.

Rastin për Telegram News e ka konfirmuar zëdhënësi i Policisë për Rajonin e Gjakovës, Sheremet Elezaj.

Elezaj tha se të lënduarit janë dërguar në spital për trajtim mjekësor.

“Me datë 28.09.2024 rreth orës 22:45 në fshatin Osek Hylë, afër Gjakovës (në rrugën Gjakovë-Pejë), ka ndodhur një aksident trafiku mes dy automjeteve. Për pasojë, dy persona kanë pësuar lëndime trupore dhe janë dërguar në spital për trajtim mjekësor. Njësia Rajonale e Komunikacionit Rrugor është duke e trajtuar rastin”, ka thënë Elezaj. /TelegramNews./