Grupi politik “Bashkë për Kataluninë”, ka qenë sponzorues i propozimit për shqyrtimin e mundësive të njohjes së pavarësisë së Kosovës në Parlamentin e Spanjës.

Në debatin për njohjen e Kosovës nga shteti spanjoll, deputetët e kryeministrit të Spanjës Pedro Sanchez, kanë kundërshtuar propozimin e grupit katalunas , duke mbajtur qëndrimin tashmë të njohur të Spanjës se ajo nuk do ta njoh shtetin e Kosovës, para se Serbia dhe Kosova të merren vesh mes vetes në dialogun e lehtësuar nga BE.

Spanja është njëra ndër pesë shtetet e BE-së që kundërshton njohjen e Republikës së Kosovës .

Diplomatët e marrdhënjeve ndërkombëtare , mosnjohjen e Kosovës nga Spanja e shohin në dritën e problemeve të brendshme spanjolle ku tri rajone të rëndësishme të saj kërkojnë shkëputje nga mbretëria spanjolle, Katalunia, Andaluzia dhe Baskia janë rajonet shumë vitale ekonomike të Spanjës që kanë kërkesa secesioniste prej dhjetëra vitesh dhe këto të drejta edhe pse të deklaruara në referendum, i ka ndryshur me polici shteti spanjoll.