Angelina Jolie ka akuzuar ish-bashkëshortin e saj Brad Pitt duke thënë se ai po përpiqet ta detyrojë të nënshkruajë një marrëveshje mos zbulimi për të mbuluar abuzimet ndaj saj.

Debati për kantinën franceze të verës Chateau Miraval, bashkëpronarë të së cilës janë ish-çifti, ka nisur në vitin 2022, kur Pitt paditi Jolie për shitjen e aksioneve të saj, duke pretenduar se kishte shkelur marrëveshjen, raporton People.

Në dokumentet e fundit të gjykatës, avokatët e saj thonë se duke shitur aksionet e saj, ajo nuk kishte ndërmend të lëndonte Brad në përgjigje të çdo vendimi për kujdestarinë e fëmijëve të tyre.

“Në fakt, ishte Pitt ai që refuzoi të paguante kompensimin e saj nëse ata nuk nënshkruan një marrëveshje të re, të zgjeruar prej 8.5 milionë dollarësh, e cila ishte hartuar posaçërisht për ta detyruar atë të heshte për abuzimin e tij.”

Angelina dhe Pitt u martuan në vitin 2014, por për shkak të mosmarrëveshjeve, siç deklaroi aktorja, ajo bëri kërkesë për divorc në vitin 2016, i cili u finalizua në vitin 2019.

Çifti kishte qenë në një betejë intensive për kujdestarinë gjatë gjithë kohës. Brad kërkoi kujdestarinë e përbashkët të fëmijëve, në kundërshtim me këmbënguljen e Angelina për kujdestarinë e vetme, me të cilin ai kishte vetëm të drejtën e vizitës.

Në vitin 2018, avokati i Angelina tha se një marrëveshje për kujdestarinë ishte arritur dhe nënshkruar nga të dyja palët dhe një gjyqtar. Megjithatë, beteja ligjore ka vazhduar edhe sot e kësaj dite.

Së fundmi, djali i tyre Pax Jolie-Pitt përplasi biçikletën e tij elektrike me një makinë që i qëndronte përballë në një kryqëzim. Pas shtrimit urgjent në spital, Brad ishte i shqetësuar, por nuk mundi ta vizitonte.

“Sa herë që dëgjon se një nga fëmijët është lënduar, Brad mërzitet vërtet dhe ndihet plotësisht i pafuqishëm pasi nuk mund të bëjë asgjë. Ai donte të shkonte te Pax, u përpoq shumë herë në spital ose telefonoi, por fëmijët nuk duan t’i përgjigjen thirrjeve të tij,” ka zbuluar një burim për Daily Mail.