Një aksident i rëndë trafiku ka ndodhur në Gjakovë ku një veturë e policisë ka përfunduar jashtë rrugës duke rënë në një kanal dhe se dyshohet se ka të lënduar.

“Sot policia ju ka përgjigjur një rasti ku një familjar me veturë ishte duke transportuar një viktimë e cila dyshohej se ishte vetëvrarë. Në përcjellje e sipër në rrugën “Gaspër Karaqi” në Gjakovë, janë aksidentuar vetura e policisë, vetura që bënte transportin e viktimës si dhe një veturë tjetër civile. Deri më tani tre persona kanë kërkuar ndihmë mjekësore (dy zyrtarë policorë dhe një qytetar). Lidhur me rastin është njoftuar edhe IPK, në koordinim me të cilët do vazhdohet me procedim të rastit.” ka thënë për Telegram News zëdhënësi i policisë për rajonin e Gjakoves.