Policia e Kosovës ka njoftuar se është arrestuar në Britani të Madhe dhe është ekstraduar në Kosovë njëri nga të dyshuarit për vrasjen e një 19-vjeçare në vitin 2013 në Prizren.

Bëhet e ditur se dy të dyshuarit vëllezër shtetas të Shqipërisë, kishin qenë për një kohë të gjatë në arrati.

Më tej thuhet se njëri prej tyre ishte arrestuar më herët dhe ndaj tij ishte ngritur kallëzim penal, derisa tjetri është arrestuar së fundi dhe të shtunën është dërguar në paraburgim.

“Dy të dyshuarit vëllezër, shtetas të Shqipërisë për një kohë kanë qenë në arrati, njëri nga ata pas disa vitesh është arrestuar dhe është ngritur kallëzim penal ndaj tij, ndërsa tjetri që atëherë ka qenë në arrati. Sektori Rajonal I Hetimeve i Drejtorisë Rajonale të Policisë në Prizren pas hetimeve të vazhdueshme kanë arrit që të marrin informacion se i dyshuari gjendet në Britani të Madhe. Në bashkëpunim me policin e Britanisë së madhe, në kontaktet nëpërmes Zyrës së ndërlidhjes dhe bashkëpunimit, është arrit që të arrestohet dhe të ekstradohet I dyshimti. Dje me datë 30.08.2024 i dyshimti është intervistuar nga hetuesit në prezencë të avokatit mbrojtës, I i dyshuari është mbrojt në heshtje. Me vendim të prokurorit kujdestar I dyshuari S.H. tani 31 vjeçar I dyshuar për veprën “Vrasje e rëndë” në bashkëkryerje, nga Republika e Shqipërisë është ndaluar për 48 orë dhe lënda është proceduar në prokurori”, thuhet në njoftim./TelegramNews./