Ministria e Punëve të Brendshme ka njoftuar të gjithë qytetarët serbë në Kosovë se bazuar në kërkesat e shumta të qytetarëve për aplikim të konvertimit të patentëshoferëve nga ato jo legale serbe në patentëshoferë të Kosovës se afati është zgjatur deri me 23 gusht 2024.

Sipas njoftimit, që nga data 9 maj me hyrjen në fuqi të këtij vendimi e deri më tani, kanë aplikuar 5787 qytetarë nga radhët e komunitetit serb për konvertimin.

“Të gjithë qytetarët që posedojnë patentë shofer të lëshuar nga strukturat jo legale serbe mund të aplikojnë për patentë shofer zyrtar të Republikës së Kosovës në të gjitha Qendrat për Pajisje me Dokumente në Republikën e Kosovës. Që nga data 9 maj me hyrjen në fuqi të këtij vendimi e deri më tani, kanë aplikuar 5787 qytetarë nga radhët e komunitetit serb për konvertimin e patentëshoferëve nga ata të lëshuar nga institucionet ilegale serbe në patentëshoferë zyrtar të Republikës së Kosovës”, thuhet tutje./Telegram News