Kievi do të zhvillojë bisedime paqeje me Rusinë nesër nëse Moska tërhiqet nga e gjithë territori i Ukrainës, tha Presidenti Volodimir Zelenski në mbylljen e një samiti paqeje në Zvicër.

“Por Vladimir Putin nuk do t’i japë fund luftës. Prandaj, ne duhet ta ndalojmë atë në çfarëdo mënyre, qoftë me mjete ushtarake ose diplomatike. Ndihma perëndimore nuk ishte e mjaftueshme për të fituar luftën, por samiti tregoi se nuk dobësoi mbështetjen ndërkombëtare për Ukrainën”, shtoi ai.

Samiti përfundoi me një deklaratë në të cilën shumë vende mbështetën integritetin territorial të Ukrainës. /Telegrami/