Një djalë e sulmoi fizikisht të atin, pasi ky i fundit ia rrahu nënën.

Ngjarja ndodhi gjatë pasditës e së shhtunës, në Prishtinë.

Lajmin e ka bërë të ditur Policia e Kosovës me anë të raportit ditor.

“Prishtinë, 08.06.2024-18:40. Janë arrestuar dy të dyshuar kosovar (babë e djalë), pasi që të njëjtit janë përfshirë në sulme fizike ndaj njëri-tjetrit, për shkak se fillimisht i dyshuari-babai kishte sulmuar viktimën kosovare-bashkëshorten e vet, ndërsa i dyshuari-djali kishte ndërhyrë në mbrojtje të viktimës-nënës së vet duke e sulmuar të dyshuarin-babain, të cilit i ka shkaktuar lëndime”, thuhet në njoftim të Policisë.

I ati ka pësuar lëndime trupore dhe është dashur t’i ofrohet tretman mjekësor në QKUK.

“Pas intervistimit të palëve të përfshira, me vendim të prokurorit, dy të dyshuarit janë dërguar në mbajtje”, thuhet në njoftim.