Në Shqipëri janë konfirmuar 62 raste të Ethet Nilit Perëndimor nga Laboratori i Institutit të Shëndetit Publik (ISHP).
Drejtoresha Eugena Tomini theksoi se rastet janë nga zona të ndryshme dhe se survejanca është e intensifikuar. Ka raste të shtruara në spital dhe bashkëpunim të ngushtë me bashkitë për dezinsektim në zonat e prekura.
Përveç etheve, sezoni veror ka pasur një rritje të infeksioneve respiratore, me mbi 6000 raste të raportuara, ku COVID-19 ka qenë dominues.
Ka një luhatje të rasteve nga java në javë, duke arritur deri në 6000 infeksione respiratorë. Tomini paralajmëroi se simptomat mund të përfshijnë probleme gastrointestinale ose të rrugëve respiratorë dhe se COVID-19 mund të shkaktojë forma të rënda, veçanërisht te individët me imunitet të dobët.
ISHP është duke u përgatitur me UNICEF për vaksinat sezonale të gripit dhe COVID-19 që do të rekomandohen për disa grupe me nisjen e vjeshtës.
